Super Kubokun taleyinə aydınlıq gətirildi

UEFA Super Kuboku uğrunda qarşılaşmanın yeri və tarixi müəyyənləşib.

Sportline.az Polşa mətbuatına istinadən xəbər verir ki, qitə futbol qurumu matçın sentyabrın 24-də keçirilməsinə qərar verib.

Çempionlar Liqası və Avropa Liqasının qaliblərini üz-üzə gətirəcək görüş Macarıstanın paytaxtı Budapeştdə baş tutacaq.

Qərarın UEFA İcraiyyə Komitəsinin bugünkü iclasında təsdiqlənəcəyi bildirilib.

Qeyd edək ki, onlayn iclasda martda koronavirus pandemiyası səbəbindən dayandırılan avrokuboklar barədə də yekun qərar qəbul olunacaq.