"Telekom" ÇL-də mübarizəyə başlayır

Qadınlardan ibarət "Telekom" voleybol komandası  Çempionlar Liqasının qrup mərhələsində mübarizəyə başlayır. Sportline.az xəbər verir ki,  "rabitəçilər" bu gün A qrupunda ilk görüşə  çıxacaq. Komandamız İtaliyada "Konelyano"nun qonağı olacaq. Trevizo şəhərindəki "Palaverde Villorba" arenasında keçiriləcək qarşılaşma Bakı vaxtı ilə saat 23:30-da başlanacaq.  Qarşılaşmanı  belçikalı Arturo Di Qyakomo ilə rusiyalı Andrey Zenoviç idarə edəcək. "Telekom"un yer aldığı qrupun digər oyununda  Polşanın "Ximik" klubu İtaliya "Modena"sını sınağa çəkəcək.  

 Çempionlar Liqasının qrup mərhələsində digər təmsilçimiz -  "Azərreyl" isə ilk görüşünü sabah Bakıda  Polşanın MKS komandasına qarşı keçirəcək.