Tomas Müllerin yeni klubu bilinib

“Vankuver Uaytkəps” rəsmi olaraq Tomas Müllerin transferini elan edib. Bu keçidlə “Bayern”dakı əfsanəvi dövr sona çatır.

Sportline.az xəbər verir ki, 35 yaşlı hücumçu transferi şəxsi sosial media hesablarında da təsdiqləyib.

Karyerası boyunca yalnız "Bavariya"da çıxış etmiş Müller karyerasını ABŞ-da davam etdirəcək.

O, Kanada klubuna qoşularaq öz böyük təcrübəsini və liderlik keyfiyyətlərini Atlantik okeanının o tayına daşıyır.

Müller "Bavariya"nın əfsanəsi kimi vidalaşır – o, klubla 33 böyük titul qazanıb.

Bunlara 12 Almaniya çempionluğu və 2 Çempionlar Liqası kuboku da daxildir.

Zəka, hərəkətliliyi və özünəməxsus “Raumdeuter” (boşluq tapan) rolu ilə seçilən alman futbolçu “Bavariya” formasında 660-dan çox oyunda 230-dan çox qol vurub.