"Vest Hem" almaniyalı futbolçunu transfer etməyə yaxındır

"Vest Hem" Niklas Fülkruqun transferi ilə bağlı "Borussiya" Dortmundla razılığa gələməyə yaxındır.

Sportline.az Sky Sport-a istinadla xəbər verir ki, transfer məbləğinin 15 milyon avro təşkil edəcəyi gözlənilir.

Dortmund "Borussiya"sı 31 yaşlı hücumçunu 2023-cü ildə "Verder" Bremendən 17 milyona avro qarşılığında heyətinə qatmışdı.

Fülkruq ötən mövsüm Bundesliqada keçirdiyi 31 oyunda 12 qol və 8 məhsuldar ötürmə ilə yadda qalıb.

Avro 2024-də Almaniya millisinin şərəfini qoruyan oyunçu 5 oyunda 2 qola imza atıb.