Viktor Lindelöfün yeni klubu bəlli olub

"Mançester Yunayted"dən azad agent kimi ayrılan isveçli stopper Viktor Lindelöf karyerasını İtaliya A Seriyasında davam etdirəcək.

Sportline.az insayder Fabritsio Romanonun məlumatına istinadən xəbər verir ki, "Fiorentina" futbolçunun meneceri ilə danışıqlara başlayıb.

31 yaşlı oyunçu İtaliya klubunda çıxış etməyə razıdır.

Qeyd edək ki, Lindelöf ötən mövsüm 25 rəsmi matçda iştirak edib.