"Xarı Bülbül" Yunanıstan klubları ilə nə vaxt oynayacaq?
Kişi voleybolçulardan ibarət “Xarı Bülbül" komandasının Çelenc Kubokunda növbəti oyunlarının vaxtı bəlli olub.
Azərbaycan Voleybol Federasiyasından Sportline.az-a verilən məlumata görə, Yunanıstanın “Panathinaikos" klubu ilə 1/16 finalın ilk oyunu noyabrın 21-də Bakıda, Gənclər və İdman Nazirliyinin Voleybol Mərkəzində keçiriləcək. Qarşılaşma saat 19:00-da start götürəcək.
Noyabrın 29-da Yunanıstanda reallaşacaq cavab görüşü isə Bakı vaxtı ilə saat 20:00-da başlayacaq.
Qeyd edək ki, “Xarı Bülbül" əvvəlki mərhələdə Slovakiyanın “TJ Spartak” komandasını mübarizədən kənarlaşdırıb.
