"Zirə" "Araz-Naxçıvan"a, "Sumqayıt" "Səbail"ə qarşı
Bu gün futbol üzrə Azərbaycan Premyer Liqasında XIX turun daha iki oyunu keçiriləcək.
Sportline.az xəbər verir ki, günün ilk matçında "Zirə" "Araz-Naxçıvan"ı qəbul edəcək.
Saat 18:30-da isə Mehdi Hüseynzadə adına Sumqayıt şəhər stadionunda yerli komanda ilə "Səbail" üz-üzə gələcək.
"Araz-Naxçıvan" turnir cədvəlində 39 xalla ikinci, "Zirə" 30 xalla dördüncüdür. 20 xala malik "Sumqayıt" altıncı, 9 xalı olan "Səbail" isə sonuncu - onuncu yerdə qərarlaşıb.
Misli Premyer Liqası
III dövrə, XIX tur
18 yanvar
16:00. “Zirə” – “Araz-Naxçıvan”
Hakimlər: Əliyar Ağayev, Zeynal Zeynalov, Akif Əmirəli, Rəşad Əhmədov.
VAR: Cavid Cəlilov.
AVAR: Şirmamed Mamedov.
Hakim-inspektor: Anar Salmanov.
Zirə İdman Kompleksinin stadionu
18:30. “Sumqayıt” – “Səbail”
Hakimlər: İnqilab Məmmədov, Namik Hüseynov, Rahil Ramazanov, Kamran Əliyev.
VAR: Rauf Allahverdiyev.
AVAR: Teymur Teymurov.
Hakim-inspektor: Ramil Diniyev.
Mehdi Hüseynzadə adına Sumqayıt şəhər stadionu
Qeyd edək ki, dünən turun açılış matçında "Qarabağ" "Şamaxı"nı 3:2 hesabı ilə məğlub edib.
