"Zirə" bu futbolçularla anlaşdı

"Zirə" klubu, müqaviləsi mayın 31-də başa çatan 12 futbolçu ilə yeni müqavilə imzalayıb.

Sportline.az xəbər verir ki, qapıçılar Boyan Zoqoviç (Monteneqro), Orxan Sadıqlı, Abdulla Seyidəhmədov, müdafiəçilər Miloş Bakraç (Monteneqro), Adrian Skarlatake (Rumıniya), Alvaro Ampuero (Peru), Yovan Krneta (Serbiya), Bəxtiyar Həsənalızadə, yarımmüdafiəçilər Şafik Tiqruca (Fransa), Tellur Mütəllimov, Nicat Süleymanov və hücumçu Riçard Qadzenin (Qana) müqavilələrinin müddəti cari mövsümün sonunadək uzadılıb.

Bildirilib ki, mövcud vəziyyətə görə federasiya klublara standart müqavilələr göndərib və oyunçularla sözləşmə bunun əsasında yenilənib.

Qeyd edək ki, N.Abdullayev ("Qarabağ") və A.Ampuero ("Deportivo Munisipal", Peru) icarə əsasında "Zirə"də çıxış edir.