43 yaşlı Buffondan yeni rekord
"Yuventus"un qapıçısı Canluici Buffon yeni rekorda imza atıb.
Sportline.az "Opta"ya istinadən xəbər verir ki, o, buna A seriyasının 36-cı turunda "Sassuolo" ilə matçda (3:1) penaltini qaytarmaqla nail olub. İtaliyalı qolkiper rəqib komandanın yarımmüdafiəçisi Domeniko Berardinin 11 metrlik cərimə zərbəsini dəf edib. Bununla da, 43 yaşlı qolkiper A seriyasında penaltini qaytaran ən yaşlı qapıçı olub.
Qeyd edək ki, Buffon bu mövsümün sonu "Yuventus"dan ayrılacağını açıqlayıb.
