Ançelottinin "kürsüsü laxladı", "Real" kursu dəyişir

İspaniya Super kubokunun finalında "Barselona"ya 2-5 hesablı məğlubiyyət "Real"ı ciddi addımlara sövq edəcək.

Sportline.az xəbər verir ki, bu haqda nüfuzlu AS nəşri məlumat yayıb.

Mənbənin bildirdiyinə görə klub rəhbərliyi baş məşqçi Karlo Ançelotti ilə bağlı kursu dəyişməyə hazırlaşır.

Yaxın günlərdə rəhbərlik səviyyəsində keçiriləcək toplantıda italiyalı mütəxəssislə bağlı qərar qəbul olunacağı gözlənilir.

Çox güman ki, mövsümün sonunda onunla yollar ayrılacaq.

Qeyd edək ki, ötən gecəki uğursuzluq Ançelottinin karyerasına "Barselona"ya 11-ci məğlubiyyət idi.

O, "Real"la əzəli rəqibi üzərində 10 qələbə qazanıb. Daha 3 oyunda isə qalib müəyyənləşməyib.