"Arsenal" qapıçısı ilə yollarını ayırıb
"Sauthempton" qapıçı Aaron Ramsdeylin transferi barəsində "Arsenal"la razılığa gəlib.
Sportline.az Sky Sport-a istinadla xəbər verir ki, "Sauthempton" bu transfer üçün London klubuna 25 milyon avro ödəyəcək. 26 yaşlı qolkiper bu gün tibbi müayinədən keçəcək və rəsmi müqavilələr imzalanacaq.
Ramsdeyl 2021-ci ildə "Şeffild Yunayted"dən "Arsenal"a 28 milyon avro qarşılığında transfer olunub. O, paytaxt klubu ilə keçirdiyi 89 oyunda 99 qol buraxarkən 32 oyunda qapısını toxunulmaz saxlayıb.
Qeyd edək ki, "Arsenal" Ramsdeylin yerinə "Espanyol"dan Xoan Qarsianı transfer etmək niyətindədir.
