Azərbaycan kubokunun püşkü atıldı

Bu gün Azərbaycan kubokunda 2016/2017 mövsümünün püşkü atılacaq. SportLine.az xəbər verir ki, tədbir saat 12:00-da AFFA-nın inzibati binasında start götürəcək.

Bu mövsüm 18 komanda kubok uğrunda mübarizə aparacaq:

“Qarabağ”, “Zirə”, “Qəbələ”, “İnter”, “Kəpəz”, “Neftçi”, AZAL, “Sumqayıt” yarışa 1/8 finaldan başlayacaq. I divizion təmsilçiləri - “Rəvan”, “Qaradağ Lökbatan”, MOİK, “Şəmkir”, “Zaqatala”, “Turan Tovuz”, “Bakılı”, “Şahdağ”, “Şərurspor”, “Səbail” də kubokda qüvvəsini sınayacaq. “Ağsu”, “Energetik”, “Mil-Muğan” və “Göyəzən” isə bu dəfə yarışa qatılmayacaq.

Öncə təsnifat mərhələsinin iki cütü bəlli olacaq. Bu raundda I divizion təmsilçiləri görüşəcək.

Ardınca 1/8 finalın 8 cütü müəyyənləşəcək. Bunlardan 6-da iki komanda yer alacaqsa, 2-də bir klub ilk mərhələdəki cütlüyün qalibini gözləyəcək.

Kubokun təsnifat mərhələsi oktyabrın 12-də baş tutacaq. 1/8 final isə dekabrın 2-3-nə planlaşdırılıb.

İki oyundan ibarət olacaq 1/4 finalın matçları da bu il baş tutacaq. İlk oyunlar dekabrın 11-13-də, cavab qarşılaşmaları 20-21-də oynanılacaq. 2017-ci il martın 30-da və aprelin 5-də keçiriləcək yarımfinal matçlarında finalçılar bəlli olacaq. Həlledici qarşılaşma isə mayın 5-də oynanılacaq.

---

Təsnifat mərhələsi

1. "Turan Tovuz" - "Bakılı" 

2. "Şəmkir" - "Qaradağ Lökbatan"

1/8 final

3. "Zirə" - "Turan Tovuz"/"Bakılı" 

4. "Neftçi" - "Şərurspor" 

5. "Qarabağ" - "Səbail" 

6. "Sumqayıt" - MOİK 

7. "İnter" - "Şəmkir"/"Qaradağ Lökbatan" 

8. "Kəpəz" - "Şahdağ" 

9."Qəbələ" - "Zaqatala" 

10. AZAL - "Rəvan"

1/4 final

11. 3 cütünün qalibi - 4 cütütün qalibi 

12. 5 cütünün qalibi - 6 cütünün qalibi 

13. 7 cütünün qalibi - 8 cütünün qalibi 

14. 9 cütünün qalibi - 10 cütünün qalibi

Yarımfinal

11 cütünün qalibi - 12 cütünün qalibi 

13 cütünün qalibi - 14 cütünün qalibi

FİNAL