Çempionlar Liqasında bütün 1/8 finalçılar bilindi

Bu gün UEFA Çempionlar Liqasında qrup mərhələsinə yekun vurulub.

Sportline.az xəbər verir ki, turun son oyun günündə E, F, G və H qruplarında 8 görüş keçirilib.

Azərbaycan millisinin hücumçusu Mahir Emrelinin çıxış etdiyi Xorvatiyanın "Dinamo" (Zaqreb) klubu 1/8 finala vəsiqəni daha əvvəl təmin etmiş "Çelsi"nin qonağı olub. Qrupdan çıxmaq şanslarını itirən Zaqreb təmsilçisi Avropa Liqasının pley-offuna düşmək üçün qələbə qazanmalı idi. Lakin grüş "Çelsi"nin 2:1 hesablı qələbəsi ilə başa çatıb. Mahir matçın 70-ci dəqiqəsində meydana çıxıb.

Qrupun digər matçında "Zalsburq"u darmadağın edən (4:0) "Milan" 1/8 finala vəsiqə qazanıb.

F qrupunda Ukrayna "Şaxtyor"u (Donetsk) Almaniyanın "Leyptsiq" klubunu qəbul edib. Qonaqlar 4:0 hesablı qələbə ilə 1/8 finala yüksəlib.

2 noyabr

Çempionlar Liqası

Qrup mərhələsi, 6-cı tur

E qrupu

00:00. "Çelsi" (İngiltərə) - "Dinamo" (Zaqreb, Xorvatiya) - 2:1

Qollar: Rahim Sterlinq, 18. Denis Zakariya, 30 - Bruno Petkoviç, 7

00:00. "Milan" (İtaliya) - "Zalsburq" (Avstriya) - 4:0

Qollar: Olivye Jiru, 14; 57. Rade Kruniç, 46. Junior Messias, 90+1

Xallar: "Çelsi" - 13, "Milan" -10, "Zaltsburq" - 6, "Dinamo" - 4

F qrupu

21:45. "Real" (İspaniya) - "Seltik" (Şotlandiya) - 5:1

Qollar: Modriç, 6-pen. Rodriqo, 21-pen. Asensio, 51. Vinisius, 61. Valverde, 71 - Jota, 84

21:45. "Şaxtyor" (Donetsk, Ukrayna) - "Leyptsiq" (Almaniya) - 0:4

Qollar: Kristofer Nkunku, 10. Andre Silva, 50. Dominik Soboslai, 62. Dani Olmo, 68

Xal durumu: "Real" - 13, "Leyptsiq" - 12, "Şaxtyor" - 6, "Seltik" - 2

G qrupu

00:00. "Kopenhagen" (Danimarka) - "Borussiya" (Dortmund, Almaniya) - 1:1

Qollar: Haukon-Arnar Haraldsson, 41 - Torqan Azar, 23

00:00. "Mançester Siti" (İngilttərə) - "Sevilya" (İspaniya) - 3:1

Qollar: Riko Luis, 52. Xulian Alvares, 73. Riyad Mahrez, 83 - Rafael Mir, 31

Xal durumu: "Mançester Siti" - 14, "Borussiya" - 9, "Sevilya" - 5, "Kopenhagen" - 3

H qrupu

00:00. "Yuventus" (İtaliya) - PSJ (Fransa) - 1:2

Qollar: Leonardo Bonuççi, 39 - Kilian Mbappe, 13. Nunu Mendeş, 69

00:00. "Makkabi" (Hayfa, İsrail) - "Benfika" (Portuqaliya) - 1:6

Qollar: Tyaronn Şeri, 26-pen.- Qonsalu Ramuş, 20. Petar Musa, 59. Alexandro Qrimaldo, 69. Rafa Silva, 73. Enrike Arauju, 88. Joau Mariu, 90+2

Xal durumu: PSJ - 14, "Benfika" - 14, "Yuventus" - 3, "Makkabi" - 3

Beləliklə, İtaliyanın "Napoli", "İnter" və "Milan", İngiltərənin "Liverpul", "Mançester Siti", "Çelsi" və "Tottenhem", Almaniyanın "Bavariya", "Borussiya" (Dortmund), "Ayntraxt" (Frankfurt) və "Leyptsiq", İspaniyanın "Real", Fransanın PSJ, Belçikanın "Brügge", Portuqaliyanın "Benfika" və "Portu" komandaları 1/8 finalda mübarizə aparacaqlar.

Qeyd edək ki, Çempionlar Liqasında 1/8 finalın püşkü noyabrın 7-də atılacaq.