ÇL: Bu gecə meydana çıxacaq komandaların son durumu

Bu gecə UEFA Çempionlar Liqasının 1/8 final mərhələsinin daha iki cavab matçı keçiriləcək. 

Sportline.az xəbər verir ki, gecənin daha böyük maraqla gözlənilən matçında “Real Madrid” “Liverpul”u qəbul edəcək. Səfərdən inamlı qələbə ilə dönən madridlilər üçün üstünlüyü qorumaq elə də çətin vəzifə sayılmamamlıdır. 2-5 hesablı məğlubiyyətin əvəzini çıxmalı olan “Liverpul”un azarkeşləri bugecəki oyun ərəfəsində qayğılıdırlar. Hər iki komandanın heyətində itkilər var. “Real”da David Alaba, qonaqlarda isə Stefan Baysetik, Luiz Diaz, Henderson, Tiaqo Alkantara zədə üzündən komandasına kömək edə bilməyəcək.

Doğma meydanda 0-2 hesabı ilə məğlub olan Frankfurt “Ayntraxt”ı çətin səfər matçı gözləyir. Doğma meydanda daha inamlı təsir bağışlayan “Napoli” cavab görüşünün də şəksiz favoritidir. İtaliya təmsilçisinin heyətində yalnız Raspadori zədəlidir. Frankfurtlulardan isə Junior Dina Embimbe, Linfstrem zədə üzündən Kolo Muani cəzalı olduğundan meydana çıxa bilməyəcək. Hər 2 görüş Bakı vaxtı ilə gecə yarısı başlanacaq.