Cordan Henderson "Ayaks"dan ayrılır

"Ayaks"ın ingiltərəli futbolçusu Cordan Henderson karyerasını Fransada davam etdirəcək.

Sportline.az "Telegraaf" nəşrinə istinadən xəbər verir ki, Henderson "Monako" klubuna keçməyə yaxındır.

Tərəflər arasında danışıqlar davam edir. Hendersonun "Ayaks"la müqaviləsi 2026-cı ilin iyun ayına qədərdir.

Qeyd edək ki, 34 yaşlı futbolçu cari mövsüm çıxış etdiyi 32 matçda 5 asistlə yadda qalıb.