Ernest Muçi “Beşiktaş”dan ayrıla bilər

“Beşiktaş”ın 23 yaşlı albaniyalı futbolçusu E.Muçi yanvar ayında klubdan göndərilə bilər.

Sportline.az “Takvim” qəzetinə istinadən xəbər verir ki, bu mövsüm uğursuz çıxış etməsi səbəbindən rəhbərlik oyunçunu satmağa qərar verib. Ernest Muçinin transfer dəyəri 12 milyon avro olaraq təyin edilib.

“Beşiktaş” rəhbərliyi yaxşı təklif gəldiyi halda oyunçunu satacaqlarını açıqlayıblar.

Qeyd edək ki, Ernest Muçi bu mövsüm bütün turnirlər daxil olmaqla çıxış etdiyi 8 matçda 1 qol və 1 asistlə yadda qalıb.