“Fənərbağça” Ostervolde üçün təklifi rədd edib

“Fənərbağça” klubunun niderlandlı futbolçusu Ceydon Ostervoldenin yanvar ayında klubdan ayrılması gözlənilir.

Sportline.az “Sabah” qəzetinə istinadən xəbər verir ki, adı açıqlanmayan futbol klubu C.Ostervolde üçün “Fənərbağça”ya 12 milyon avro təklif edib. Amma “Fənərbağça” rəhbərliyi düşünmədən təklifi rədd edib.

Buna səbəb “Fənərbağça”nın oyunçu üçün 20 milyon avro tələb etdiyi bildirilir.

Qeyd edək ki, Ostervolde 2022-ci ildən “Fənərbağça”da çıxış edir.