"Flamenqo" bu futbolçu üçün "Zenit"ə 2 futbolçu + 18 milyon avro təklif edib
"Flamenqo" "Zenit"ə 27 yaşlı hücumameyilli yarımmüdafiəçi Klaudinyonun transferi üçün 18 milyon avro və 2 futbolçu təklif edib. təklif edib.
Sportline.az xəbər verir ki, bu barədə RTI Esporte məlumat yayıb.
Mənbənin sözlərinə görə, Braziliya klubu müqaviləyə 21 yaşlı mərkəz müdafiəçisi Kleyton Santana və 20 yaşlı hücumameyilli yarımmüdafiəçi Viktor Hüqonu cəlb etmək istəyir. "Flamenqo" "Zenit"in maraq dairəsində olduğu Ueslini müqaviləyə daxil etməkdən imtina edib.
Xəbərdə bildirilir ki, Braziliya klubu 18 milyon avroluq məbləği 2025-ci ilin dekabrına qədər hissə-hissə ödəmək niyətindədir.
Qeyd edək ki, Klaudinyo ötən mövsüm "Zenit"in heyətində 43 oyunda 5 qol və 9 məhsuldar ötürmə ilə yadda qalıb.Onun klubla 2027-ci ilə qədər müqaviləsi var.
