Güləşçilərimiz final görüşlərinə çıxırlar
Qazaxıstanın paytaxtı Nur-Sultanda keçirilən güləş üzrə dünya çempionatı sona yaxınlaşır.
Sportline.az xəbər verir ki, dünənki qarşılaşmalarda uğurlu nəticə göstərən iki sərbəst güləşçimiz bu gün final qarşılamasına çıxacaq.
79 kq. çəkidə yarışan dünya ikincisi, Avropa çempionu Cəbrayıl Həsənov həlledici görüşdə ABŞ idmançısı, 2018-ci ildə dünya çempionu olan Kayl Deyklə üz-üzə gələcək.
97 kq. çəkidə mübarizə aparan olimpiya, dünya və Avropa çempionumuz Şərif Şərifov isə Rusiyanı təmsil edən Abdulrəşid Sadullayevla üz-üzə gələcək. Qeyd edək ki, Sadullayev bir dəfə Olimpiya, üç dəfə dünya, 3 dəfə Avropa çempionudur.
Final qarşılaşmaları bu gün Bakı vaxtı ilə saat 16:00-da başlayacaq və İTV vasitəsilə canlı nümayiş etdiriləcək.
