İsveç - Tunis oyununun ən yaxşı futbolçusu seçildi

İsveç millisinin hücumçusu Aleksander İsak DÇ-2026-nın Tunisə qarşı keçirilən oyununda (5:1) matçın ən yaxşı futbolçusu seçilib.

Sportline.az xəbər verir ki, bu barədə FIFA-nın rəsmi saytı məlumat yayıb. 26 yaşlı forvard görüşdə 1 qol vurub və 2 məhsuldar ötürmə edib. İsak komandasının böyükhesablı qələbəsində əsas pay sahiblərindən biri olub.

Bu nəticədən sonra İsveç millisi 3 xalla F qrupunda liderliyə yüksəlib.

Qeyd edək ki, İsveç yığması növbəti oyununu iyunun 20-də Niderlanda qarşı keçirəcək.