Mahir Emreli Londonda
Azərbaycan millisinin hücumçusu Mahir Emreli komandası “Dinamo” ilə Londona yola düşüb.
Sportline.az xəbər verir ki, Zaqreb təmsilçisi bu gün Çempionlar Liqasının qrup mərhələsinin son turunda “Çelsi” ilə qarşılaşacaq. Oyun Bakı vaxtı ilə gecə 00:00-da başlanacaq.
Qeyd edək ki, “Dinamo” dünən axşam matçın keçiriləcəyi “Stemford Bridj” stadionunda məşqə çıxıb. Hazırlıqda M.Emreli də iştirak edib.
Əlavə edək ki, “Dinamo” ÇL-də 1/8 finala çıxmaq şansını tamamilə itirib və sonuncu yeri tutur. Komanda yalnız qalib gələcəyi, qrupun digər iştirakçısı “Zalsburq” isə səfərdə “Milan”a uduzacağı halda Avropa Liqasının pley-off mərhələsində oynamaq hüququ əldə edəcək.
Hazırda “Çelsi” 10 xalla 1-ci, “Milan” 7 xalla 2-ci, “Zalsburq” 6 xalla 4-cü, “Dinamo” 4 xalla 4-cü yeri tutur.
