Mahir oynadı, "Dinamo" heç-heçə etdi

Azərbaycan millisinin üzvü Mahir Emrelinin də formasını geyindiyi Zaqreb "Dinamo"su bu gün Xorvatiya çempionatında növbəti oyununa çıxıb.

Sportline.az xəbər verir ki, komanda 19-cu turda "Slaven"lə qarşılaşıb. Görüş Bakı vaxtı ilə saat 20:30-da başlayıb. Oyun 1:1 hesablı heç-heçə ilə yekunlaşıb.

Mahir də bu oyunun iştirakçısı olub. O, 46-cı dəqiqədə Petar Boçkayın əvəzinə meydana çıxıb və sonadək mübarizə aparıb.

Qeyd edək ki, "Dinamo" hazırda turnir cədvəlində 46 xalla liderdir. "Slaven" isə 28 xalla 4-cüdür.

Xorvatiya çempionatı, 21-ci tur.

20:30. "Slaven"  "Dinamo" (Zaqreb) - 1:1

Qollar: Yambor, 32 - Drmiç, 3

Baş hakim: Dario Bel (Xorvatiya)

"Qradski Stadion"