Maksim Averin: "Bugünkü uğur növbəti qələbələrə zəmin yaradır"

SportLine.az xəbər verir ki, “Synergu Baku” komandasının velosipedçisi Maksim Averin "Tour d'Azerbaidjan-2016"-nın 2-ci mərhələsindəki qələbəni belə şərh edib: “Uğurlu gün oldu. Komanda yoldaşlarımın yaxşı çıxış sayəsində sprintdə özümü göstərmək üçün şərait yarandı. Əlimizdən gələni əsirgəmədik. Bu qələbə gələn turlardakı uğurlara da zəmin yaratdı. Vətəndə qazandığım bu qələbə mənim üçün böyük əhəmiyyət daşıyır. Çətin finiş gözlənilən sabahkı mərhələdə də, uğur qazanacağımıza ümid edirəm. Bugünkü çıxışımızın ardını gətirmək lazımdır. Əsas məsələyə isə, birisigünkü mərhələdə aydınlıq gətirilməlidir.” Bu yarışın Olimpiadaya hazırlıq baxımından əhəmiyyətinə gəldikdə isə, Averin “Fərqli yarışlar olduğu üçün bu haqda danışmaq çətindir. Sadəcə olaraq, Rio-2016-ya ciddi hazırlaşmalıyam”-deyib.

SportLine.az | Velotur
Layihə AFFA yanında Media Komitəsi tərəfindən maliyyələşdirilir