Mbappe yeni səhifə açmağa hazırlaşır

Kilian Mbappenin mövsümün sonunda Madrid "Real"ına keçməsi reallaşmaq üzrədir.

Sportline.az xəbər verir ki, fransalı ulduzun madridlilərlə tam anlaşdığı bildirilir.

Bu mövsuda daha bir işarə onun PSJ-nin yeni formasının təqdimat videoçarxına çəkilməməsidir.

Tanınmış jurnalist Fabrisio Romano da bu məqamə X sosial şəbəkəsindəki yeni paylaşımında vurğulayıb.

"Kilianın həmin çarxa çəkilməməsi onun iyunda Parisdən ayrılacağına növbəti işarədir. O, "Real"da yeni səhifə açmağa hazırlaşır", - deyə Romano fikrini bölüşüb.

Qeyd edək ki, bundan əvvəl yayılan xəbərlərdə Mbappenin "Real"la 2029-cu ilədək müqavilə bağladığı bildirilib.