Messi Peleni keçdi

PSJ-nin hücumçusu Lionel Messi braziliyalı əfsanəvi futbolçu Pelenin rekordunu yeniləyib.

Sportline.az xəbər verir ki, argentinalı futbolçu buna ötən gecə Çempionlar Liqasının qrup mərhələsində "Makkabi" (Hayfa) ilə oyunda (7:2) nail olub.

2 qol, 2 məhsuldar ötürmə edən Messi "qol+ötürmə" sistemində daha 4 xal toplayıb. Bu göstəricidə xal sayını 1127-ə çatdıran 35 yaşlı hücumçu dünyanın ən məhsuldar futbolçusu olub. Pelenin isə aktivində 1126 xalı var.

Qeyd edək ki, Messi bu mövsüm PSJ-də ümumilikdə 16 oyuna 11 qol vurub, 12 məhsuldar ötürmə edib.