Millimiz Avropa çempionatının gümüş mükafatını qazandı
16 yaşadək basketbolçular arasında Avropa çempionatının C divizionuna yekun vurulub. SportLine.az Apasport.az saytına istinadən xəbər verir ki, Kiprdə keçirilən yarışın final matçında Azərbaycan millisi meydan sahibləri ilə görüşüb.
İlk üç hissədə məğlub olan Samit Nuruzadənin yetirmələri qarşılaşmanın son bölümündə dönüş yaratmağa çalışsa da, yenilgidən qaça bilməyib – 50:62 (14:25, 10:14, 15:17, 11:6). Komandamızın bombardiri Aleks Axundovun 12 xalı da yığmamıza kömək etməyib. Bununla da Azərbaycan yığması Avropa çempionatını gümüş medalla başa vurub.
