Millimizin üzvü Türkiyə klubunda

Qadın voleybolçulardan ibarət Azərbaycan millisinin üzvü Olena Xarçenko özünə yeni iş yeri tapıb.

Sportline.az xəbər verir ki, idmançı karyerasını Türkiyədə davam etdirəcək.

O, qardaş ölkə təmsilçisi “Bolu Belediyespor” klubu ilə anlaşıb. Bu barədə Türkiyə mətbuatı məlumat yayıb. 26 yaşlı voleybolçu ilə müqavilənin müddəti və digər detalları açıqlanmır.

Qeyd edək ki, Olena Xarçenko karyerası ərzində “Diamant”, “Volero le Kannet”, “Le Kannet Volleyball” və “Telekom Bakı” klublarında da çıxış edib.