Nikolya Pepe oyunun ən yaxşısı adına layiq görülüb

DÇ-2026-da Kurasao və Kot d'Divuar milliləri arasında keçirilən E qrupunun 3-cü turunun matçının ən yaxşı oyunçusu bəlli olub.

Sportline.az FİFA-nın saytına istinadən xəbər verir ki, Afrika təmsilçisinin heyətində Nikolya Pepe oyunun ən yaxşısı adına layiq görülüb.

Pepe 2:0 hesabı ilə qalib gəldikləri görüşdə dubl edib. 7-ci dəqiqədə hesabı açan futbolçu Kot d'Divuar millisində ən erkən vurulan qolun müəllifi kimi də tarixə düşüb. 

Qeyd edək ki, Kot d'Divuar 6 xalla qrupda 2-ci yeri tutub və tarixində ilk dəfə dünya çempionatının pley-off mərhələsinə yüksəlib.