Osimhen üçün “Qalatasaray” 3 futbolçusundan imtina edəcək
“Qalatasaray” klubunun rəhbərliyi nigeryalı futbolçu Viktor Osimheni klubda saxlamaq qərarına gəlib.
Sportline.az “Milliyet” qəzetinə istinadən xəbər verir ki, “Qalatasaray” klubu Yunus Akgün, Barış Alper Yılmaz və Devinson Sançeslə yollarını ayırmağa hazırdır. “Qalatasaray”ın rəhbərliyi bu 3 futbolçunun satışından əldə olunacaq gəliri Osimhenin transferi üçün xərcləyəcək.
“Napoli” klubu Osimhen üçün 75 milyon avro tələb edir.
Qeyd edək ki, Viktor Osimhen bu mövsüm bütün turnirlər daxil olmaqla çıxış etdiyi 9 matçda 8 qol və 3 asistlə yadda qalıb.
