Qurban Qurbanov sualları cavablandıracaq
UEFA Avropa Konfrans Liqasının qrup mərhələsinin 5-ci turunda keçiriləcək “Qarabağ” - "Omoniya" oyunundan öncə baş tutacaq açıq məşq və mətbuat konfranslarının vaxtları müəyyənləşib.
Sportline.az xəbər verir ki, hər iki komandanın tədbiri və açıq məşqi Tofiq Bəhramov adına Respublika stadionunda olacaq.
“Qarabağ”ın baş məşqçisi Qurban Qurbanov noyabrın 24-də, saat 12:00-da jurnalistlərin suallarına cavab verəcək. Son məşq də elə həmin gün, saat 18:00-da eyni məkanda baş tutacaq. Rəqibin mətbuat konfransı 19:30-a, açıq məşqi isə 20:00-a təyin olunub
Qeyd edək ki, noyabrın 25-də Tofiq Bəhramov adına Respublika stadionunda keçiriləcək "Qarabağ" - "Omoniya" görüşü saat 21:45-də başlayacaq. Azərbaycan təmsilçisi artıq pley-offa vəsiqəni təmin edib.
