Ramosun yeni klubu bilinib
"Real Madrid"in sabiq futbolçusu Serxio Ramosun yeni klubu bəlli olub.
Sportline.az "Fichajes" nəşrinə istinadən xəbər verir ki, "Sevilya"dan ayrıldıqdan sonra heç bir komanda ilə anlaşa bilməyən Serxio Ramosun azad agent kimi Meksika klubu ilə anlaşmaq üzrə olduğu deyilir. Məlumata görə, futbolçu Meksikanın “Monterrey” komandasına imza atmaq üzrədir. Ramosun anlaşdığı “Monterrey” Meksika Liqasında 13-cü yerdədir.
Qeyd edək ki, uzun illər “Real Madrid” forması ilə uğurlar qazanan Serxio Ramos daha sonra PSJ və “Sevilya”nın formasını geyinib. Ramosun adı bundan əvvəl “Fənərbaxça” ilə də hallanıb.
