"Real Madrid" "Sevilya" ilə matça itkilərlə çıxacaq
İspaniya La Liqasının son çempionu "Real Madrid" "Santiaqo Bernabeu" stadionunda "Sevilya" ilə qarşılaşacaq.
Sportline.az xəbər verir ki, "Real Madrid" matça itkilərlə çıxacaq. Dani Karvaxal, David Alaba, Eder Militao zədə, Vinisius isə cəza səbəbindən matçda iştirak edə bilməyəcək.
"Sevilya"da isə Valentin Barko, Adria Pedrosa, Tanqay Nianzou, Cibril Sou və Çidera Ejuke baş məşqçi Qarsiya Pimientanın sərəncamında olmayacaq.
Qeyd edək ki, start fiti 19:15-də səslənəcək matçı İsidro Diaz de Mera Eskuderos idarə edəcək.
