"Real Madrid" Vinisiusla bağlı qərarını verib

"Real Madrid"in brazilyalı ulduz futbolçusu Vinisius Junior klubla yeni müqavilə imzalayacaq.

Sportline.az "As" qəzetinə istinadən xəbər verir ki, Madrid klubunun rəhbərliyi Viniyə 4 illik yeni müqavilə təklif edib.

24 yaşlı futbolçu karyerasını "Real"da davam etdirməyə müsbət yanaşır. Müqavilənin yanvar ayında imzalanacağı bildirilir.

Qeyd edək ki, Vinisiusun "Real"la hazır ki müqaviləsi 2027-ci ilin iyun ayına qədər nəzərdə tutulub.

Onun hazır ki dəyəri "Transfermarkt" portalına görə 200 milyon avro olaraq qiymətləndirilir.

Vini bu mövsüm bütün turnirlər daxil olmaqla çıxış etdiyi 21 matçda 14 qol və 10 asistlə yadda qalıb.