Ronaldudan maraqlı açıqlama

Portuqaliya millisinin kapitanı Kriştianu Ronaldu maraqlı açıqlama ilə gündəmə gəlib.

Sportline.az xəbər verir ki, ulduz futbolçu yenidən dünyanın ən yaxşı futbolçusu seçilməyin artıq onun üçün maraq kəsb etmədiyini bildirib.

"İndi mən futboldan yalnız zövq alıram. Bilirəm ki, karyeramın sonlarındayam. Hazırda hansısa mükafatı qazanmaq barədə düşünmürəm. İndi mənə yalnız futboldan zövq almaq və komandama bacardığım qədər kömək etmək qalır", - deyə Ronaldu bildirib.

Qeyd edək ki, 39 yaşlı hücumçu bu mövsüm "Əl-Nəsr"in heyətində meydana çıxdığı oyunlarda 6 qol və 2 məhsuldar ötürmə müəllifidir.