Şəhriyar Məmmədyarovun rəqibləri bəlli oldu

Hollandiyanın Veyk-an-Zee şəhərindən şahmat üzrə ənənəvi beynəlxalq turnirin bütün iştirakçılarının adı müəyyənləşib. SportLine.az apasport.az-a istinadən xəbər verir ki, nüfuzlu yarışa daha iki qrossmeyster dəvət alıb.

Pavel Elyanovla (Ukrayna) Yevgeni Tomaşevski (Rusiya) 8 illik fasilədən sonra Veyk-an-Zee turnirinə qatılacaq Şəhriyar Məmmədyarova rəqib olacaq. Onlardan öncə isə Maqnus Karlsen (Norveç), Fabiano Karuana, Uesli So (hər ikisi ABŞ), Aniş Qiri, Lyuk van Veli (hər ikisi Hollandiya), Din Lijen, Vey İ, Xou İfan (hər ikisi Çin), Sergey Karyakin (Rusiya), Maykl Adams (Böyük Britaniya) və David Navaranın (Çexiya) Hollandiyaya yollanacağı dəqiqləşmişdi.

Qeyd edək ki, 78-ci dəfə keçiriləcək turnir 2016-cı il yanvarın 15-31-də olacaq.