Tofiq Musayev “Bellator”da uduzdu
ABŞ-ın San Xose şəhərində MMA üzrə "Bellator" 292 döyüşü gecəsi keçirilib.
Sportline.az xəbər verir ki, Azərbaycanın yüngül çəkidə MMA döyüşçüsü Tofiq Musayev (70 kq) rusiyalı Aleksandr Şabli ilə qarşılaşıb.
Mükafat fondu 1 milyon dollar olan Dünya Qran-prisinin 1/4 final mərhələsindəki döyüşdə Musayev qasıq nahiyəsindən zədə alıb və mübarizəni sona qədər davam etdirə bilməyib. Görüşün üçüncü raundunda xəsarət alan Musayev texniki nokautla uduzub.
Qeyd edək ki, bu, 34 yaşlı idmançısının MMA karyerasında keçirdiyi 25-ci duelində 5-ci məğlubiyyəti olub. Şablinin isə 22 qələbəsi, 3 məğlubiyyəti var.
