"Torino"nun futbolçusu koronavirusa yoluxdu

İtaliyanın “Torino” klubunun futbolçusu koronavirusa yoluxub.

Sportline.az xəbər verir ki, bu barədə A Seriyası təmsilçisinin rəsmi saytı məlumat yayıb.

Həmin futbolçunun kimliyi açıqlanmır. Sadəcə, onun xüsusi karantin rejimində qalacağı diqqətə çatdırılıb.

Xatırladaq ki, Turinin digər təmsilçisi “Yuventus”da da Daniele Ruqani, Blez Matuidi və Paolo Dibala koronavirusa yoluxmuşdu.

İtaliya A Seriyasında klublar mayın 4-dən etibarən məşqləri tədricən bərpa etməyə başlayıblar. Lakin futbolçular hələlik sosial məsafəni qorumaq şərtilə, xüsusi qruplar halında hazırlıq keçirlər.