Türkiyə kuboku finalının keçiriləcəyi stadion açıqlanıb

Türkiyə Futbol Federasiyası ölkə kubokunun finalının keçiriləcəyi stadionu açıqlayıb.

Sportline.az Ntvspor.net-ə istinadla xəbər verir ki, "Trabzonspor" ilə "Beşiktaş" arasında keçiriləcək final oyununa "Atatürk Olimpiya Stadion"u ev sahibliyi edəcək.

Xəbərdə final matçında yarı-avtomatik ofsayt sistemindən istifadə olunacağı və görüşün VAR hakiminin əcnəbi olacağı bildirilir.

Qeyd edək ki, "Trabzonspor"-"Beşiktaş" arasındakı final oyunu mayın 23-də baş tutacaq.