Ülvi İsgəndərov əməliyyat olunub
"Qəbələ" klubunun futbolçusu Ülvi İsgəndərov əməliyyat olunub.
Sportline.az "qırmızı-qaralar"ın mətbuat xidmətinə istinadla xəbər verir ki, 27 yaşlı hücumçuya qasıq yırtığı ilə bağlı cərrahi müdaxilə Türkiyənin İstanbul şəhərində gerçəkləşib.
Əməliyyatın uğurlu keçdiyi vurğulanıb.
Onun 3-4 həftəyə komanda ilə məşqlərə başlayacağı gözlənilir.
Qeyd edək ki, Ü.İsgəndərov son matçını martın 9-da “Sabah”a qarşı keçirib.
