Xames Rodriges bu kluba transfer ola bilər
"Rayo Valyekano"nun kolumbiyalı futbolçusu Xames Rodriges karyerasını Meksikada davam etdirə bilər.
Sportline.az insayder Elias Kuixadanın məlumatına istinadən xəbər verir ki, "Klub Amerika" Xamesi transfer etmək üçün hərəkətə keçib. Meksika klubunun rəhbərliyi Xames Rodriges üçün "Rayo Valyekano"ya 8 milyon avro ödəməyə hazırdır.
Transferin yanvar ayında reallaşacağı gözlənilir.
Qeyd edək ki, Xames Rodrigesin "Rayo Valyekano" ilə müqaviləsi mövsümün sonunda başa çatacaq.
O cari mövsüm çıxış etdiyi 7 matçda 1 asistlə yadda qalıb.
