Yamalın qiyməti qalxıb
"Transfermarkt" platforması "Barselona"nın 17 yaşlı cinah oyunçusu Lamin Yamalın yenilənmiş transfer dəyərini açıqlayıb.
Sportline.az xəbər verir ki, gənc futbolçunun bazar qiyməti 30 milyon avro artaraq 180 milyon avroya yüksəlib.
Yamal 2023-cü ildən etibarən Kataloniya klubunun əsas heyətində çıxış edir. Onun müqaviləsi 2026-cı ilin yayına qədər qüvvədədir. Bu mövsüm "blauqrana" formasında meydana çıxdığı 21 oyunda gənc futbolçu 6 qol vurub və 12 məhsuldar ötürmə ilə fərqlənib.
Hazırda 38 xal toplayan İspaniya təmsilçisi La Liqa turnir cədvəlində 3-cü sırada yer alır.
