Zlatan İbrahimoviç "Milan" üçün kimdir?
Zlatan İbrahimoviçin "Milan"dakı fəaliyyəti mütəmadi olaraq müzakirə olunur.
Bəziləri onun klubun inkişafındakı rolunu xüsusi vurğulasa da, bəziləri bunun əksini düşünür.
Komandanın ulduzu Rafael Leao birincilərin sırasındadır.
Portuqaliyalı futbolçu hazırda "Milan" klubunda müşavir vəzifəsində çalışan İbrahimoviç haqqında müsbət fikirlər səsləndirib.
"Zlatan çox vacib fiqurdur. O, bizə daim inkişaf etməyi və qələbə ruhunu aşılayır. O, hamımız üçün örnəkdir. Zlatan qələbəyə nail olmağın yollarını bilir və onu bizimlə bölüşür", - deyə Leao bildirib.
Bu haqda jurnalist Nikola Skira X sosial şəbəkəsində paylaşım edib.
Xatırladaq ki, 42 yaşlı İbrahimoviç 2023-cü ildə karyerasını bitirmişdi.
