"AHF Arena" istifadəyə verilir
“ABU Arena” idman kompleksi yaxın günlərdə “AHF Arena” kimi fəaliyyətə başlayacaq.
AHF-nin mətbuat xidmətindən Sportline.az-a verilən məlumata görə, xeyli vaxtdır həyata keçirilən yenilənmə işləri artıq yekunlaşdırılıb. Qısa müddət ərzində kompleksdə xeyli iş görülüb – məşq zalında, soyunub-geyinmə və istirahət otaqlarında təmir işləri başa çatdırılıb.
2004-cü ildə tikilən idman qurğusunda hər cür şərait yaradılaraq həndbolçuların ixtiyarına verilib.
Ölkədə həndbolun inkişafına təkan olacaq idman kompleksinin yenidən istifadəyə verilməsini AHF-nin həndbolçulara gözəl töhvəsi kimi dəyərləndirmək olar.
Qeyd edək ki, “AHF Arena”da həm yerli yarışların, həm də, beynəlxalq miqyaslı turnirlərin oyunları keçiriləcək.
