"Anji" klubunun prezidentinə 6 aylıq şərti cəza verilib
Rusiyanın "Anji" klubunun prezidenti Osman Kadiyev 6 ay müddətinə futboldan kənarlaşdırılıb.
Sportline.az Rusiya Futbol İttifaqının rəsmi saytına istinadən xəbər verir ki, buna funksionerin evdə "Drujba" komandası ilə qolsuz heç-heçə etdikləri Milli Futbol Liqasının (NFL) oyununda meydana girməsi səbəb olub. O, əvvəlcə hakimlərlə aqressiv danışıb, daha sonra isə onların otağına daxil olaraq kobud rəftar edib.
Kadiyevin cəzası şərti xarakter daşıyır. Klub prezidenti həmçinin 125 000 Rusiya rublu məbləğində cərimələnib.
