“Arsenal” və “Çelsi” transfer yarışına girib

“Deportivo”nun ispaniyalı futbolçusu Yeremay Hernandez karyerasını İngiltərə Premyer Liqasında davam etdirə bilər.

Sportline.az “Team Talk” nəşrinə istinadən xəbər verir ki, “Arsenal” və “Çelsi” Hernandez üçün hərəkətə keçib.

Oyunçunun sərbəst qalma məbləği 20 milyon avro olaraq təyin olunub.

Qeyd edək ki, Yeremay Hernandez bu mövsüm çıxış etdiyi 30 matçda 11 qol və 4 asistlə yadda qalıb.