"Atletiko" "Tottenhem"in futbolçusuna göz dikib
"Tottenhem"in argentinalı futbolçusu Kristian Romero karyerasını İspaniya La Liqasında davam etdirə bilər.
Sportline.az jurnalist Matteo Morettonun məlumatına istinadən xəbər verir ki, "Atletiko Madrid" mövsümün sonunda Romero üçün "Tottenhem"ə rəsmi təklif göndərəcək.
Madrid klubu bu keçid üçün qarşı tərəfə 50 milyon avro ödəməyə hazırdır.
Qeyd edək ki, Romero "Atletiko Madrid"də çıxış etməyə müsbət yanaşır.
O bu mövsüm "Tottenhem"in heyətində 17 rəsmi matçda iştirak edib və aktivində 1 qol var.
