Avropa çempionatı ilə bağlı Bakıya iki yüz min əcnəbinin gəlişi gözlənilir
"Avropa çempionatı ilə əlaqədar Bakıya 200 000 xarici qonağın gələcəyi gözlənilir".
Sportline.az xəbər verir ki, bunu AFFA-nın baş katibi və icraçı vitse-prezidenti Elxan Məmmədov "İrimiqyaslı idman yarışlarının keçirilməsinin ölkəyə faydaları" adlı tədbirdə çıxışı zamanı deyib.
O bildirib ki, AVRO-2020-nin A qrupunda yer alan Türkiyə, Uels və İsveçrə yığmaları baza kimi Bakını seçiblər: "Bu isə hər üç komandanın ən azı 10 gün Azərbaycan paytaxtında qalacağı deməkdir".
