Azərbaycan çempionu üçün Litva, yoxsa İtaliya klubu?

Kişilərdən ibarət həndbol komandalarımız 2023/2024 mövsümündə EHF Avropa Kubokunda mübarizə aparacaqlar.

Sportline.az EHF-nin rəsmi saytına istinadən xəbər verir ki. yarışa 1/32 final mərhələsindən qatılacaq təmsilçilərimizin rəqibləri də artıq məlumdur.

İyulun 18-də Avstriyanın paytaxtı Vyanada atılan püşk “Azəryol” komandasına 1-ci mərhələdə üzləşəcək  “Winner of HC Amber” (Litva) – “SV Brixen Handball” (İtaliya) cütünün qalibini rəqib seçib. Digər təmsilçimiz “Kür” isə Xorvatiyanın “MRK Sesvete” kollektivi ilə mübarizə aparacaq.

İlk oyunlar oktyabrın 14-ü və 15-də, cavab matçları 21-22 oktyabr tarixlərində olacaq.