Həndbol üzrə seçmə komandamız beynəlxalq turnirə qatılacaq

Kişi həndbolçulardan ibarət Azərbaycan seçməsi İnkişafda olan Ölkələrin Çempionatına qatılacaq. SportLine.az xəbər verir ki, Bolqarıstanda keçiriləcək yarışda Azərbaycanla yanaşı, daha 15 ölkə iştirak edəcək. 

Reqlamentə əsasən, yarışda yaşı 16-dan 24-dək olan həndbolçular qüvvələrini sınayacaqlar. Hər komandanın heyətində yaşı 24-dən artıq, ən çox, üç idmançı ola bilər.

Çempionatın mükafat fondu 17 min 500 İsveçrə Frankı təşkil edir. Qalib 10 000, gümüş medalların sahibi 5000, fəxri kürsünün üçüncü pilləsinə qalxan komanda isə, 2500 frank məbləğində pul mükafatına sahib çıxacaq.

Qeyd edək ki, iyunun 12-də başlanacaq yarışa, iyunun 18-də yekun vurulacaq.