Azərbaycan Premyer Liqasında yeni mövsüm bu gün start götürür
Bu gün futbol üzrə Azərbaycan Premyer Liqasında 2024/2025 mövsümünə start veriləcək.
Sportline.az xəbər verir ki, I turun açılış matçında son çempion "Qarabağ" "Araz-Naxçıvan"la üz-üzə gələcək.
“Liv Bona Dea Arena”dakı qarşılaşma saat 20:00-da start götürəcək. Matçı FIFA referisi Elçin Məsiyev idarə edəcək.
Azərbaycan Premyer Liqası
I tur
2 avqust
20:00. “Araz-Naxçıvan” – “Qarabağ”
Hakimlər: Elçin Məsiyev, Elşad Abdullayev, Pərvin Talıbov, Kamran Əliyev.
VAR: Rəşad Əhmədov.
AVAR: Eyyub İbrahimov.
Hakim-inspektor: Ömər Paşayev.
AFFA nümayəndəsi: Erkin Hüseynov.
Qeyd edək ki, turun digər qarşılaşmaları 3-4 avqustda gerçəkləşəcək.
